A calculada ambigüidade de Luís Villares e En Marea

O candidato in pectore de En Marea, Luís Villares, afirma apostar por que se recoñeza a Galiza como nación, mais, -engade-, iso non significa que a curto prazo queira superar o marco xurídico e político, porque, segundo el, o Estatuto de Autonomía que data de 1981 non está agotado, simplemente estamos mal gobernados. A matización é moi oportuna para non espantar aos posíbeis votantes “desencantados” de PP e PSOE que tamén quere captar este novo partido político atrápao todo, empeñado en atraer votos desde nacionalismo de esquerdas (BNG) e até no españolismo (PP, PSOE e Podemos).

A priori pode ser contraditorio captar votos desde posicionamentos tan afastados ideoloxicamente, mais no curto prazo efectivamente pode resultar. O problema non é que Feijóo e o seu goberno traballen en contra dos intereses do pobo galego, o problema é que aínda tendo un goberno da Xunta que traballe polo noso ben colectivo, o Estatuto de Autonomía de 1981 non resolverá os nosos problemas concretos porque non temos Soberanía. Un exemplo: non hai moitas semanas o Parlamento Galego aprobou por unanimidade a transferencia da AP-9 a Galiza; na práctica isto non valeu para nada porque Madrid dixo que non.

Como dixen, a calculada ambigüidade de Luís Villares e En Marea pode ter éxito, mais terá as patas moi cortas; a práctica política desenvolvida polos partidos políticos en xeral, pero en particular polo BNG, ao longo destes 35 anos na Xunta e no Parlamento Galego, demostra que Galiza ten que dar un salto cualitativo no seu status político, en primeiro lugar polo noso benestar e futuro colectivo, mais tamén para non ficar atrás e estancados logo dos pasos importantes que está dando Catalunya e non tardará moito Euskal Herría e percorrer o mesmo camiño. En Marea pode quedarse co Estatuto de 1981, a min non me vale, quero que Galiza teña futuro.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

This site uses Akismet to reduce spam. Learn how your comment data is processed.